CONSOLATIO LITTERATURAE

Luulõtusõq Loomingun, 8/2018

aug.
20



Om sõs mõtõt
kodotarõ ussõ iin istõn

om sõs mõtõt vargil kävvüq ku inemiseq sullõ kõik andvaq?
a käüdäs
om sõs mõtõt näide perrä uutaq ku nä suq mano tulõ-õi?
a oodõtas
om sõs mõtõt näid avitaq ku nä sinno är andvaq?
a avitadas

võtaq ütś ja viskaq tõist
inemiseq kõk ütemuudu ulliq
     

     
*

tulõ üü ja tuul puhk
     uulidsa päält ärq kõik seo massin-imeq
tulõ päiv ja vesi uht
     perve päält ärq kõik suq latsõlatsi nimeq

ja tulõ aig ku nõsõ kuu
ja lindsiug istus väredi takan
ja sõnajalast saa jälkiq puu
ja maq peräniq silmin maka

ja mõtsapini hoit
     musta päävä suun